Lagarije (2018)

LAGARIJE - čas o surogatu je predavanje-performans namijenjen djeci i mladima, a rađen prema motivima animiranog filma Surogat Dušana Vukotića.
Film iz 1961. godine je satirični komentar na tadašnji društveni trenutak, no danas, kad je ono što je neposredni doživljaj skoro sasvim iščililo iz naših života i surogat postaje norma po kojoj
dišemo, djeluje poražavajuće aktuelno. Uronjeni u društvene mreže kao u rastvor formaldehida, nikada nismo bili usamljeniji. Sagledati taj svijet i prihvatiti ga kao 'normalan' je teško, ali promijeniti ga je nemoguće jer to bi značilo: ići protiv istorije.
Ipak, alternativu je nužno pronaći, i mi je tražimo.
Vukotićev film je osnova i inspiracija za multimedijalni i interaktivni performans koji govori o idejama, usamljenosti, emocijama i mašti. Služeći se performativnim i pozorišnim sredstvima, insistiramo na čulnim, opipljivim iskustvima i posredujemo ideju o kreaciji kao ultimativnom surogatu koji (ironično) donosi izbavljenje od surogata samog.

REŽIJA I VIZUELNI IDENTITET: Mirko Radonjić
KOMPOZITOR: Nina Perović
ASISTENTKINJA REŽIJE: Marija Backović

IZVOĐAČI:
Mirko Radonjić
Nina Perović
Marija Backović
 
FOTOGRAF: Krsto Vulović